Media
5 items
Description
Crowdsourced award flight search — passively captures availability data from your own searches and pools it for everyone. FeiFinder 有無飛? — 兌換機位提醒 · Chrome 擴充功能 一個人日日搵,不如一班人一齊搵。 搵兌換機位最痛苦係「逐日撳」。FeiFinder 將大家自己搜尋時見到嘅兌換機位彙集成一個共享池,再配對你訂低嘅路線 —— 其他人搵到位,就會通知你。 目前支援國泰航空(Cathay Pacific)嘅兌換機位搜尋,日後計劃擴展至更多航空公司。 點運作: • 被動捕捉 — 你照常喺航空公司官網搜機票,extension 順手記低結果入面嘅兌換機位資料(得航班/日期/艙位/位數/里數,冇任何個人資料) • 路線訂閱 — 訂低你想飛嘅路線、日子、艙位同最少座位數 • 定時提醒 — 設定收信時段,收 Email 摘要(定時摘要,並非即時通知) • 靈活訂閱 — 一條路線可一次揀多個艙位;多機場城市(如東京)當一條路線訂閱 • 個人搜尋歷史 — 自己搜過乜、貢獻過乜,一目了然 • 假期月曆 — 睇週末同各國公眾假期,方便計劃兌換行程日子(假期資料內置於擴充功能,離線運作,不涉任何網絡抓取) 私隱承諾: • 只喺 extension 權限列明嘅訂票網站頁面上運作 • extension 從不代你發出任何搜尋,只讀你自己搜尋嘅結果 • 唔收集帳號密碼、付款資料、個人瀏覽紀錄 • 原始網頁回應只喺本機處理,只上傳解析後嘅機位欄位 • Email 完全自願,只用嚟寄你自己訂閱嘅提醒 測試期間免費。訂閱路線同貢獻共享池,需完成 Email 驗證並通過批核。 FeiFinder 係獨立項目,同任何航空公司無關,亦未獲其認可。